WILLEMSTAD.- Na okashon di apertura di The Corendon Travel Agency, Promé Minister sr. Gilmar Pisas a trese dilanti ku apertura di e agensia di biaha aki ta mustra un biaha mas ku Kòrsou ta e lugá pa hasi negoshi lukrativo.
Por tuma nota di invershonnan kuantioso ku akshonnan komprometido.
Na e okashon aki Pisas a gradisí Fundadano di Corendon sr. Ulsu pa su aporte den ekonomia aki na Kòrsou i tambe ku ta kere den e hendenan di e pais aki.
Ta un echo ku Gobièrnu aki ta duna aporte pa adelanto di pais i kresementu di ekonomia.
Pisas a mustra kon Ulsu a kuminsá aki na Kòrsou ku Livingstone, despues Mangrove Beach Hotel, The Rif Mangrove Beach Corendon Curaçao, buelonan di Corendon i awor ku apertura di e agensia di biaha.
E desaroyo aki ta fantástiko Pisas a bisa i ta bon pa ekonomia i gobièrnu semper ta kla pa koperá ku tur ku ke hiba e sosiedat aki dilanti.
Di parti di gobièrnu di Kòrsou un danki pa komprometé ku Kòrsou.
