LISBOA, PORTUGAL, AFP.- Outoridat di salú portugues a rekomendá vakunashon “universal” di tur hóben desde 12 aña kontra COVID-19.
“Maneho general di salú ta rekomendá vakunashon di tur adolesente di 12 pa 15 aña”, segun indikashon di Garca Freitas.
El a agregá ku ampliashon di e kampaña ta haña prioridat riba muchanan di 16 aña i entre 12 i 15 aña ku ta kai den grupo di rísiko.
Promé minister Antonio Costa a anunsiá tres siman pasa ku gobièrnu kier vakuna tur mucha di 12 pa 17 aña pa otro aña eskolar “sigui sin interupshon”. El a bisa ku outoridat di salú mester tuma e desishon final.
Portugal a anunsiá djabièrnè ku a vakuná 70% di 10 mion persona ku un dósis di vakuna.
