WILLEMSTAD.-Sindikato DOEN a yega sentro di gobernashon na Fòrti un ratu pasá. Presidente sra. Felipa a splika su miembronan ku e i un delegashon lo asistí na e reunion ku Konseho di Minister. ‘No ta importá si ta un miembro di Konseho di Minister òf ta tur, kontal DOEN lo splika su puntonan.”
Despues di un ratu ku e grupo tabata para pafó dilanti porta di Fòrti promé minister Pisas a bai serka nan. E mandatario a kuminda e dirigentenan i miembronan pa despues splika ku tur hende no por bai paden. A base di esei e grupo ku e sindikato a palabra delantá a bai paden. Ta e intenshon pa despues di e kombersashon e dirigentenan bai duna informashon na nan miembronan.
