CARACAS, VENEZUELA, AFP.- Produkshon di Petroli di Venezuela a stanka na 700.000 barí pa dia durante e promé semèster di 2021, segun un rapòrt mensual di OPEC, publiká djamars. E sifra ta mas abou ku e dos mion barínan ku gobièrnu a primintí e aña aki.
Ekspertonan a bisa ku e pais karibense tin hopi problema pa subi su produkshon apesar di e aserkamentu ku gobièrnu di presidente merikano Joe Biden a suavisá algun sanshon finansiero di Merka.
Venezuela a sera ku un produkshon di 727.000 bd, esun di mas abou te ainda, segun Organisashon di Paisnan Eksportadó di Petroli (OPEC).
Presidente Nicolás Maduro a bisa ku Venezuela a sera 2021 produsiendo un mion bari pa dia i a primintí dos mion pa 2022.
E gobièrnu di Biden, ku a manda delegadonan Caracas a mustra dispuesto na revisá e sanshonnan si gobièrnu di Maduro negoshá ku su atversarionan.
