LIMA, PERU, AFP.- Un avion a aterisá djaluna mainta na Lima desde Santiago de Chile kombirtiendo den e promé buelo komersial internashonal ku ta yega Perú, despues di kasi shete luna ku a sera frontera pa evitá propagashon di COVID-19.
E avion di aerolínea Sky a aterisá ku 55 pasahero na aeropuerto internashonal Jorge Chavez de Lima, pero ku medidanan di salú i seguridat imponé pa outoridat peruano.
E medidanan pa sera frontera, dekretá riba 16 di mart, a impliká un gòlpi fuerte pa e sektor di turismo peruano. Desde e fecha aki e pais a permití solamente buelonan di repatriashon di siudadanonan estranhero den Perú.
E pais a habri frontera pa Ecuador, Bolivia, Colombia, Panama, Paraguay, Uruguay i Chile, segun indikashon di presidente Martin Vizcarra.
E superintindente Nashonal di Migrashon, Roxana del Aguila a bisa ku lo permití solamente 2.500 persona pa dia, kompará ku un promedio di 25.000 pasahero pa dia promé ku e pandemia di Corona vírus.
