OTTAWA, CANADA, AFP.- Canada a anunsiá djaluna ku lo suspendé benta di arma na Turkia miéntras Ottawa ta investigá uso di su teknologia militar den e konflikto entre Armenia i Azerbeidjan.
“Mi a suspendé tur eksportashon pa Turkia, pa eksaminá e situashon profundamente”, segun indikashon di e minister di eksterior Francois-Phillippe Champagne den un informe.
Champagne a duna òrdu pa investigá notisia ku medionan lokal a distribuí indikando ku dronenan di Canada a keda usá den e konflikto di Azerbeidjan ku Armenia.
Ottawa a kanselá tur pèrmit di eksportashon di ekiponan militar pa Turkia den òktober 2019, despues di un atake di e pais kontra kurdonan na nort di Siria. Pero den mei Canada a reanudá e pèrmitnan di eksportashon di Turkia.
