ALGIERS, ALGERIA, AFP.- Sentenáres a protestá den Algeria, apesar ku tin un prohibishon nashonal pa hasi esaki. E pueblo a protesta pa eksihí kambio demokrátiko pa marka aniversario di 1988, kual ta e aña ku a kondusí na reformanan.
Mas o ménos 500 persona a protesta na Algiers i a purba marcha den direkshon di sentro pero a keda disolvé pa polis, kende a ehekutá un serie di detenshon, segun un periodista a bisa.
Un komité di prizonero a bisa ku mas di 20 persona a keda arestá inkluyendo studiantenan.
Tabatin algun protesta mas den otro partinan di Algeria, kaminda nan a pidi liberashon di miembronan di Hirak, un grupo kontra gobièrnu kual a kousa renunsia di presidente Abdelaziz Bouteflika aña pasá. Mas di 60 persona ta detené pa aktonan relashoná ku Hirak.
Despues ku Bouteflika a renunsia, e gruponan a sigui protestá kontra sobrá pari di gobièrnu, kual ta inkompetente i korupto segun e manifestantenan.
