WILLEMSTAD.- Servisio di Impuesto awe a anunsiá e entrada realisá pa e promé kuartal. Ta bon pa menshoná ku pa e promé kuartal tabatin un presupuesto hopi ambisioso. Na 2023, a realisá un entrada di impuesto di 362,5 mion florin den e promé kuartal. Pa e promé kuartal di e aña aki, a presupuestá un entrada di 400 mion florin, esaki ta mas ku 10% mas ku e realisashon di aña pasá.
Ku e orguyo debí por informá ku a realisá un entrada di no ménos ku 402,4 mion florin den e promé kuartal, esta 2,4 mion florin mas ku loke a presupuestá. E logro aki ta ainda mas impreshonante si tene na kuenta e echo ku e tarifa di impuesto riba ganashi durante e aña fiskal 2023 a baha di 22% pa 15% pa e promé 500.000 florin di ganashi ku mester paga impuesto riba dje. Asina Servisio di Impuesto ta duna di konosé awe.
Mas detaye mañan den bo Extra