MOSCOW, AP.- E presidente ruso, Vladimir Putin i su kolega turko Recep Tayyip Erdogan a anunsiá djaweps ku nan a yega na un akuerdo di tregua den provinsia di Idlib, na nortwèst di Siria. E tregua mester a drenta na vigor meianochi.
E gobièrnu sirio a barka riba un ofensivo den e region ku respaldo di Rusia. Putin a ekspresá su speransa ku e akuerdo lo pone fin na e sivilnan su sufrimentu i ku lo yuda kontené un krísis humanitario.
Turkia i Rusia ta e paisnan ku mas influensia na Siria i ta respaldá bandanan rival den e guera inisiá nuebe aña pasa.
Aktivistanan di oposishon a bisa ku un atake aéreo sirio kontra un pueblo bou di kontrol rebelde na nortwèst di Siria a mata por lo ménos 15 persona djaweps mainta, inkluyendo vários mucha i laga diferente persona herida.
