LA PAZ, AP.- Kokaleronan riba pia i nunka na rudia, asina un grupo di rebelde ku a enfrentá polis ayera na momentu ku e presidente Evo Morales tabata kosechá aplouso pa su presentashon den korte na Den Haag na fabor di un salida pa laman pa Bolivia.
Míles di kokalero na nort di La Paz a yega e siudat pa tuma e merkado di blachi di koka bèk, okupá algun dia pasá pa un grupo di kokalero presuntamente na fabor di gobièrnu.
Polis a protehá e merkado di e produkto ei den un bario di La Paz i a impedí pa e manifestantenan por a saka e okupantenan nobo afó. E benta a keda suspendé i e daño ta pa 35 mil kokalero ku no por bende nan produkshon asina e vise minister di Coca Froilan Luna a bisa.
