WILLEMSTAD. – Dia 18 di mart sra. Birinia Brigitha a selebrá 108 aña. Esaki a keda selebrá den un ambiente ameno den seno familiar. Esaki ta un bendishon pa famia Brigitha, Pais Kòrsou i Bario di Sta. Maria. Kumpli e bunita edat di 108 aña, ta un regalo di Dios. Esaki ta e forma kon Dios ta duna rekompensa pa tur e kosnan bon ku sra. Brigitha a hasi den su bida. Sra. Brigitha ketu bai bon na tinu, skèrpi. Ta bai tur bon deseo pa sra. Brigitha ku Dios duna bida i salú pa e sigui selebrá bida huntu ku henter su famia.
