WILLEMSTAD.-Polis mester a duna asistensia na un aksidente ku a tuma lugá ayera nochi na altura di e krusada di Amandelweg ku Anasaweg. E daño material ta bastante ya ku e outo a dal den un palu di lus. Polis mester a papia basta ku e Shofùr di e vehíkulo ku lo ta responsabel den e aksidente. Un hòmber hulandes oropeo ku tabata mustra bastante kansa, polis mester a keda papia kuné pa e komprondé ku e mester drenta e vehíkulo di polis pa bai warda. No tabatin herido.
Algun siman pasa outoridatnan a tene kontrol riba kaya i esaki ta un bon ehèmpel dikon mester intensiva e kontrolnan. Mas i mas ta krea e impreshon ku na Kòrsou si por dal drinks trankil i despues sigui stuur sin niun problema. Na Hulanda ta kita reibeweis di Shofùr ku ta kore bou di influensia di alkohòl i banda di un but haltu ta eksigí e Shofùr pa kumpli ku otro rekisitonan basta fèrfelu.
