SINGAPUR, SINGAPUR, AFP.- Promé minister di Singapur, Lee Hsien Loong a anunsiá djadumingu ku su pais lo kanselá un lei kolonial ku ta kriminalisá relashon seksual entre hende hòmber, ounke e gobièrnu ta sigui “defendé” ku matrimonio ta entre un hòmber i un muhé.
Lee a bisa den su diskurso polítiko ku gobièrnu lo kanselá e lei i lo no sanshoná niun hòmber ku tene relashon seksual ku otro. “Mi ta haña ku esaki ta korekto pa hasi, i algu ku mayoria singapureño lo aseptá”.
E lei, un herensia di e époka kolonial britániko, ta sanshoná relashon seksual entre hende hòmber ku te ku dos aña den prizòn.