KIEV, UKRANIA, AFP.- Algun dia promé ku Ukrania selebrá e aniversario di su independensia, presidente ukraniano Volodymyr Zelensky a atvertí ku Moscow por hasi algu partikularmente “kruel” e siman aki.
Durante su diskurso diario, Zelensky a bisa djasabra ku “Rusia por hasi algu partikularmente repugnante i kruel”.
Ukrania ta selebrá su dia di independensia di URSS riba 24 di ougùstùs, ku e aña ta kai riba mesun dia ku e di seis luna di Rusia su invashon, ku a kousa míles di morto i destrukshonnan masivo den e pais.
E konsehero di presidensia, Mijailo Podoliak, a atvertí ku Rusia por intensifiká su bombardeonan riba dia 23 i 24 di ougùstùs. “Rusia ta un pais arkaiko” ku mayoria biaha ta ataká “riba fechanan determiná, e ta manera un opseshon. Nan ta odia nos i lo purba oumentá e kantidat di bombardeonan den nos siudatnan, inkluyendo Kiev, ku misilnan di barku”.
