WILLEMSTAD.- Soroptimist International Club Curacao, na novèmber próksimo lo kumpli 75 aña di eksistensia.
Djaluna di 10 di òktober, dia a inisiá plantamentu di palu, Soroptimist International Club Curacao ta start sali ku nan proyekto Ban Planta Palu, palunan indígena di Kòrsou, durante e periodo 2022-2024.
E promé sitio ta Huize Hamiëd na Willem Hoyerstraat. Lo sigui planta mas palu durante e periodo di yobida, esta te desèmber. Di e forma aki Soroptimist ta aportá na medio ambiente, plantando palunan di nos mes i asina simulá plantamentu di nos mes palunan ku no ta rekerí muchu awa i ku ta kompletu adaptá na nos klima. Na mes momento a skohe konsiente pa planta palunan di sombra, kual hopi di nan a bai pèrdí na momento ku a traha kas, rosa tereno òf ta skohe pa planta otro tipo di mata pa falta di konosementu di nos mes palunan.
Ta urgi siudadanonan pa sigui e ehèmpel aki. E proyekto aki Soroptimist International Club Curacao ta hasi den estrecho koperashon ku ekspertonan i Ministerio di Salubridat Medio Ambiente i Naturalesa.
Algun nòmber di palunan ku ta duna fresku i ta bon pa reskatá:
Kayuda, watakeli, palu di sía blanku i kòrá, mangel blanku, brasía, palu pretu, kibrahacha. Kamalia, Cedar. I asina tin mas.
