WILLEMSTAD – Entrante djasabra 1 di aprel 2023 e tarifa regulá di gasolin ta subi na Kòrsou ku kasi 12 sen. E tarifa di diesel ta baha ku kasi 5 sèn. Tambe e tarifa di elektrisidat ta baha entrante djasabra 1 di aprel 2023. E tarifa di awa ta subi. Esaki Bureau Telecommunicatie en Post (BT&P) ta partisipá den su komunikado mensual riba e partikularidat aki. BT&P ta supervisá e desaroyo di preis di produktonan petrolero i di utilidat.
Entrante 1 di aprel 2023 e kondishonnan di impuesto temporal ta kaduká pa kombustibel. E akseins pa Mogas 95 sinembargo ta keda sin kambio riba 31,07 sèn pa liter. Ademas e 6% di impuesto riba benta pa komèrsio por mayor i komèrsio por menor di Mogas 95 i LSD ta inkorporá. Impuesto di importashon i derecho di importashon no ta keda konsiderá.
E tarifa usuario final pa Mogas 95 ta subi partikularmente komo konsekuensia di e modifikashonnan den e komponentenan fiskal, komokiera ku e resultado di e modifikashonnan den preis di kompra i e komponente Sùrplùs/Défisit ta hopi limitá. Apesar di e modifikashonnan di e komponentenan fiskal e tarifa usuario final pa Gasoil LSD ta baha dor di e bahada konsiderabel di e preis di kompra. Den edishon di EXTRA mayan lo tin mas detaye.
 i awa ta subi, diesel (5 sèn) i elektrisidat ta baha){kind=link}