Portapoti mester keda den e 3 meter
WILLEMSTAD.-E tim di prekario a subi kaya i EXTRA a topa ku nan na altura di Welgelegen unda nan tabata eksperimentando ku un sistema nobo. Noriza Gerard a splika EXTRA ku e tim di prekario ta hasi un test pa midi tereno. Nan a kuminsá ku un sistema digital ku ta enserá ku no ta nesesario pa bai marka e terenonan mas. Den futuro serkano ta bai hasi uso di un aparato digital, ta pone un pènchi i for di einan tur esnan ku tin prekario lo sa eksaktamente kua parti nan tin derecho riba dje.
Pa esnan ku desviá i kue mas ku 3 meter nan lo haña un atvertensia pa e promé. Tene kuenta ku asta e portapoti mester keda den e 3 meter ku ta toka na e pèrmit. Dia 27 di yanüari 2024 tur persona por kuminsá konstruí nan sitio pa wak marchanan di karnaval.
