Amsterdam.- Tin un kantidat di video ta sirkulá di un kaso di tiroteo ku a tuma lugá djadumingu 3 yanüari 2021 na un filial di Albert Heijn na Bijlmerplein na Amstedamse Poort. Riba e video por mira na momento ku e sospechoso maskulino ta yega saka un arma i kuminsá lòs dirigí riba un hòmber ku a kore drenta den un pakus pa e skonde.
Despues di e suseso e sospechoso a kana bai trankil fo’i e sitio.
Di akuerdo ku nu.nl, polis a indiká ku niun persona a resultá herida komo ku e sospechoso tabatin un pistol di gas. “Ta trata di un arma ku ta konosí komo gas òf ‘alarmwapen’ e bosero polisial a indiká.”
Te ku ayera polis no a detené e sospechoso. Polis a hasi un petishon pa esnan ku a presensia e suseso of ku por rekonosé e sospechoso riba e video pa tuma kontakto ku nan.
