WASHINGTON, MERKA, AFP.- E presidente di Merka, Donald Trump, a firma un dekreto pa “priorisá” suministro di vakunanan di COVID pa Merka. E mandatario elekto Joe Biden a pidi Kongreso pa yega rápidamente na un akuerdo finansiero pa evitá tur retraso di vakunashon.
Durante un “kumbre di vakuna” den Kas Blanku, Trump a bisa ku e ta firmando un dekreto pa garantisá ku tur siudadano merikano ta haña prioridat pa risibí e vakunanan merikano.
No ta evidente Merka ta bai apliká esaki mirando ku ya fabrikantenan di e vakunanan a firma akuerdonan ku otro paisnan. Pero e medida ta sugirí ku Merka ta preokupá ku un posibel skarsedat di e vakunanan.
Tin mas di 330 mion merikano ku mester haña e vakuna i e gobièrnu a bisa ku pa aprel Merka por kumpli ku e promesa di vakuná tur hende.
E empresa merikano Pfizer, kende ta desaroyando un vakuna ku e empresa aleman BioNTech a firma un kontrakt ku Merka pa proveé 100 mion dósis.
E empresa merikano Moderna tambe a primintí Merka ku lo entregá 100 mion dósis.
