Tres persona herida
ROTTERDAM.-A surgi un situashon di hopi tenshon i miedu despues ku a registrá algun kaso di tiramentu ku arma di kandela. Polis ta informa ku un ratu pasa a drenta e informashon ku tabatin lòsmentu di bala den un klas unda ta duna lès den hospital Erasmus na Rotterdam. Den bibienda no muchu leu di e hospital aki, mas o ménos 1 kilometer i mei mas leu, tambe a tuma lugá un kaso kaminda a los bala. Tim di aresto a drenta edifisio di hospital i a saka tur hende pafó. No ta konosí si berdaderamente a duna òrdu pa evakuá e hospital kompletu. Polis tin informashon ku aparentemente e sospechoso den e kasonan di tiramentu aki ta den poseshon di un arma di kandela i ku e lo a hui riba un motersaikel.
Agensia di notisia NOS ta informa ku e kas na unda a los a bala ta keda na Heiman Dullaertplein. Tin tres persona herida, dos den e kas i unu den hospital. A surgi kandela den e kas i mas despues a drenta informashon ku den hospital Erasmus tambe tin un kaso di kandela.
E kaso a sòru pa un konmoshon total den kayanan rondó di e kas i hospital. Hopi gritamentu miéntras por mira dòkternan i personal di enfermeria i asta pashènt riba kaya.
