CARACAS, AP.- Despues di un anochi di konfrontashon entre manifestante i kuerponan di seguridat, i meimei di un blackout nashonal ku a dura mas ku 72 ora den mayoria region, e kapital venezolano a lanta djadumingu ku restunan kima di barikadanan improvisá riba avenidanan prinsipal.
E pueblo a purba haña awa i kuminda, realisando rekoridonan largu den e siudat, ku speransa di haña un komersio habri. Vários hospital a atendé ku nan pashèntnan , ku yudansa di generator, pero algun mester a operá sin koriente.
Atversarionan di e gobièrnu venezolano a reportá por lo ménos 17 persona morto relashoná ku e blackout.
Den un seshon di emergensia ku mester tuma lugá awe, Guaido lo evaluá e posibilidat pa ‘dekretá un estado di alarma nashonal’ pa atendé ku e emergensia den e pais, sin duna mas detaye,
