WILLEMSTAD – Den ora nan di djadumingu mardugá, radar di Wardakosta a tuma nota di un boto nabegando den direkshon di Kòrsou. Ta trata di un boto lokal. Un Metal Shark a sali den direkshon ost di Kòrsou pa asina kontrolá e boto. Na momento ku a subi pa kontrol, a tuma nota di 12 kaha ku bestia eksótiko aden. E bestianan no tabata tin e dokumentashon nesesario pa por drenta Kòrsou, ku konsekuensia ku a tuma nan den beslag i a kontaktá servisio veterinario pa asina tuma nan. A tuma tur data di e persona responsabel pa e merkansia i lo sigui ku e investigashon.
