ORANJESTAD – Awe mardugá Wardakosta a haña notifikashon di Kuerpo Polisial Aruba ku personanan indokumenta a logra subi tera den área di Vader Piet. E dos personanan ku a duna e deklarashon na un persona lokal, a indiká ku nan a bini ku un lancha, pero esaki lo mester a bòltu riba lama. Mesora Wardakosta a saka unidat di tera pa bai tira un bista den e área. Na yegada na e área pa nort di Aruba e agentenan di Wardakosta a detektá dos kurpa sin bida den laman.
Kuerpo Polisial di Aruba a dirigí nan helikòpter i Wardakosta a dirigí su patruyanan di tera pa sigui ku e búskeda pa mira si ta enkontra mas persona. Durante e búskeda andando a enkontra un kurpa mas sin bida. E kaso ta sigui na e momentunan aki.
(Foto File)
