Willemstad.- Barku di Marina Zr.Ms. Holland a detektá un gran kantidat di droga den Laman Karibe.
Un avion patruyero di Wardakosta Region Karibe Hulandes, a detektá riba laman ganchu, paketenan ku probablemente droga den nan. Zr.Ms. Holland a manda su boto rápido di intersepshon huntu ku e helikòpter di bordo di barku di Wardakosta Merikano, pa bai na e region pa buska e bultunan. Un total dim as o ménos 5.000 kilo di droga a keda saka for di laman.
E kontrabanda a keda entrega na Wardakosta Merikano i entretantu a keda destruí.
Operashonnan kontra tráfiko di droga
Zr.Ms. Holland for di òktober 2022 ta aktivo komo barku patruyero den Region di Karibe i ta interkambiá koperashon den operashonnan kontra tráfiko di droga huntu ku Wardakosta Merikano i tambe Wardakosta Region Karibe Hulandes. Durante e anterior tres kapturanan di droga, Zr.Ms. Holland a detektá por lo ménos 1.600 kilo di droga.
