SIUDAT DI MÉXICO, MÉXICO, AFP.- Mas di 1.200 mehikano a muri di coronavirus na Merka, segun indikashon di Marcelo Ebrard, México su minister di eksterior. El a agregá ku 12 siudadano mas a muri na otro partinan di mundu komo kousa di e vírus.
Ebrard a bisa ku mas di mitar di e mortonan na Merka a sosodé na New York, miéntras sinku a muri na Canada.
México a repatriá mas di 14.600 persona dor ku mayoria pais a sera frontera. E pais a repatriá mas di 4.000 persona for di Europa.
México, un pais ku 127 mion habitante a registrá mas di 120.000 kaso di coronavirus covid-19 djaluna i mas di 14.000 morto. esaki a kombertí México den un di e paisnan gravemente afektá den Latinoamérika.
Mayoria mehikano ta biba di e plaka ku nan ta risibí for di nan kompatriotanan na Merka. E suma a baha ku 2,6% den Aprel, kompará ku e mesun luna na aña 2019, kaminda a registrá un record di mas di 4 bion dòler den mart 2020.
