Fransia.- informashon di último ora ta indiká ku un ratu pasa a tuma lugá un tiroteo riba Rue des Grandes na Straatsburg, Fransia. Agensianan di notisia franses ta informando ku tin personanan ku a resultá herida den e kaso aki. Hendenan den e área ta papia di un situashon hopi tenso. Tin testigunan ta indiká ku nan a mira kon un militar a hinka un persona.
E tiramentu a tuma lugá den sentro di e siudat Straatsburg riba e plasa di Pasku. Straatsburg ta konosí ku nan tin e merkado mas grandi ku produktonan pa Pasku den hinter Oropa. Segun informashonnan, a kuminsá basha bala na Place Kleber, sinembargo te ainda no ta konosí kiko por ta e motibu ku a kondusí na e tiramentu aki.
Informashonnan di prensa ta indiká ku posiblemente polisnan lo a tira e tiradó mata. Na e momentu di e tiramentu sòldánan, arma ku armanan outomátiko, a kuminsá kore den kayanan di e siudat. E último informashon ku a drenta ta ku tin un morto, miéntras ku tin tres persona herida. Algun otro persona a keda evakuá.
Mientrastantu outoridatnan ta urgi e sosiedat pa mantené kalma i pa sigui instrukshonnan di polis. E alkalde a pidi siudadanonan pa keda den kas i evitá di bai kaya.
