DAR ES SALAAM, TANZANIA (AFP).- Tanzania a anunsiá ku sigur 155 persona a muri debí na inundashon i tera ku a lòs provoká pa áwaseru torensial ku ta originá pa e fenómeno El Niño, ku a kousa desena di morto den otro paisnan parti ost di Afrika.
Segun e promé minister tanzano Kassim Majaliwa, mas di 200.000 persona a keda afekto pa e Maseru, ku a kousa 155 morto i 236 herido. E fuerte yobida a hasi daño na kasnan, tambe na kultivo, karetera-, brùg- i skolnan.
E dañonan ta debí, “na promé lugá pa motibu dje deterioro di medio ambiente”, segun e presidente a denunsiá, refiriendo na eliminashon di mondinan, práktika di plantamentu pa kua ta kita áreanan grandi di seru, etc.
El Niño ta tuma lugá ku kresementu di temperatura, komo tambe sekura den algun área i masha hopi áwaseru den otro, loke por tin un impakto devastador den parti ost di Afrika.
Na Kenia, komo 45 persona a muri for di despues ku e áwaseru torensial a start for di den mart.
“Mundu mester ta alerta”, segun e presidente William Ruto a atvertí.
Na Buriundi un dje paisnan mas pober na mundu, alrededor di 96.000 persona mester a bandoná nan kas den último lunanan pa motibu di demasiado áwaseru.
Na kabamentu di aña pasá, mas di 300 persona a pèrdè nan bida debí na áwaseru torensial i inundashon na Kenia, Somalia i Etiopia, hustamentu na momento ku e region tabata purba na rekuperá di e sekura di mas pió den 45 aña.
