SRINAGAR, INDIA, AP.- Supuesto rebeldenan a ataká ku arma di kandela i granadanan den un base importante den zona di Cachemira kontrolá pa India i a mata por lo ménos 17 sòldat. Esaki tabata e atake ku mas víktima registrá den último añanan den un base militar den region di Himalaya, segun informashon di ehérsito indio.
Kuater rebelde a muri na momentu ku sòldatnan a rospondé na e atake.
Den oranan trempan di e atake por a skucha algun eksploshon fuerte i vários barak ku a sende na kandela. Despues, helikòpternan militar a bula riba e base miéntras ehérsito tabata kompletá loke el a deskribí komo operashon di “limpiesa”.
Vários sòldat heridá a wòrdu trasladá den aire pa e hospital militar prinsipal, Srinagar. No ta kla si e kuater rebeldenan asesiná tabata e úniko agresornan na e sitio.
E atake tabata grandi paso tabatin un kontingente grandi ku tabata entregando kòntròl na militarnan nobo. Mayoria tienda i unidat di refugio temporal a wòrdu sendé na kandela.
