SANTIAGO DE CHILE (AFP).- Hustisia chileno a kondená e prinsipal lider radikal mapuche, Hector Llaitul, na 23 aña di prisòn, pa vários atake riba polis i empresanan di gobièrnu den su lucha pa reivindiká “teranan indígeno”.
E sentensia a keda lesá den presensia di e hues Rocíio Pinilla, di tribunal penal dje siudat di Temuco, den zùit di Chile, durante di un oudiensia virtual.
“A dekretá 15 aña di prizòn” pa a atentá kontra di lei i seguridat di estado, segun e sentensia.
Llaitul, di 56 aña, ademas mester sinta sinku aña pa tene propiedat di otro komo si fuera ta di dje i tres pa atentado kontra di outoridat.
“Ta un sentensia hopi importante. E ta marka un presedente importante den e persekushon di organisashonnan kriminal ku ta operá den parti zùit”, segun e fiskal dje kaso, Roberto Garrico.
Será pa dos aña kaba den un prizòn di Concepcion (den zùit), Llaitul a keda kondená pa e.o. violensia i atentado kontra di outoridat.
Llaitul ta e fundadó i máksimo dirigente di “Coordinador Arauco Malleco” (CAM), konsiderá pa outoridatnan komo un organisashon kriminal.
CAM a kuminsá den final di añanan 1990 ku un kampaña kontra di empresanan agrario di gobièrnu kimando mashin i kasnan.
