WASHINGTON, AP.- Dos senador demókrata a keda huramentá djárason, lagando republikanonan ku un mayoria redusí i ku ménos posibilidat di kumpli ku e agènda legislativo di Kas Blanku promé ku elekshon di Kongreso den novèmber.
E visepresidente Mike Pence, a tuma huramentu di Doug Jones di Alabama i Tina Smith di Minnesota.
Jones ta e promé demókrata ku a gana un asiento senatorial pa Alabama den un kuart siglo. Ku su viktoria riba republikano Roy Moore, e republikanonan den Senado ta keda ku un mayoria di apénas 51 kontra 49.
Smith, kende tabata vise gobernador di Minnesota, a wòrdu designá pa remplasá Al Franken, kende a renunsiá dor di denunsianan di intimidashon seksual. Esaki ta e di 22 muhé ku asiento den Senado.
Jones, di 63 aña, ta representá un di e estadonan mas konservador di e Union i a pone énfasis riba buska akuerdonan entre e dos partidonan. Loke lo bira difísil pa haña puntonan di akuerdo. Ademas, el a bisa ku un di nan por ta pa aprobá fondonan pa obranan di infrastruktura.
Jones, kende a derotá republikano Roy Moore, lo okupá asiento di Jeff Sessions, kende a renunsiá pa asumí komo sekretario di Hustisia.
