BEIRUT, AP.- 36 persona den kual vários mucha a muri djaluna despues di un atake aéreo kontra un bario rebelde ost di e siudat di Alepo, segun aktivistanan sirio di oposishon, miéntras e violensia tabata kontinuá tabatin un operashon grandi ku a kuminsá kontra di Estado Islámiko na Irak.
Mayoria di e mortonan tabata den Aldea di Owijel, ost di Alepo, kaminda 23 persona a muri den atake ku tambe a laga desena di herido, segun Opservatorio sir io pa Derechonan Humano ku sede na Gran Bretaña.
Otro grupo, Komité lokal di kordinashon, a bisa ku e atake a keda realisá pa avionnan ruso i ku tabatin 30 morto.
Mas di un desena a muri den un bario na ost di Alepo ku ta na mando di rebeldenan. E otro sektornan oriental di e siudat, esun mas grandi di Siria a keda someté na atakenan aéreo mas intenso den último añanan. Sentenar di morto i herido, tambe edifisionan ku a keda bashá abou. Aktivistanan den oposishon a atribuí na e atake di avionnan ruso i na gobièrnu sirio.
E opservatorio a bisa ku e atakenan di djaluna a alkansá e bisindario di Marjeh. E sentro di Alepo, un grupo di aktivista a bisa ku tabatin 11 morto di fam Qabs, kuminsando for di un beibi di 1 luna i mei te na un hòmber di 25 aña.
E atakenan a koinsidí na Irak ku inisio di un gran ofensivo di forsanan irakí i kurdo, ku respaldo di koalishon liderá pa Estádos Unídos, pa kita e siudat di Mosul for di grupo Estado Islámiko.
Tabatin temor ku e gobièrnu di Damasco lo probechá e ofensiva na Mosul pa asentuá su atakenan na Alepo miéntras e atenshon di mundu ta riba e susesonan di Irak.
Di otro banda, prensa estatal sirio a informá ku 49 rebelde a muri òf a keda heridá den bario di Sheikh Saeed i Shurfa den zona di Alepo.
