MADRID, AP.- Nobenta persona a resultá heridá djasabra atardi den un eksploshon den un kafetaria, na sùit di Spaña. Binti persona heridá su situashon ta grave. Medionan lokal a atribuí e suseso na un lekashi di gas.
E eksploshon a tuma lugá den oranan di anochi na Velez- Malaga, un pueblo chikitu serka den e siudat turístiko di Malaga i kaminda un feria lokal tabata tumando lugá.
Outoridatnan no por a konfirmá e kousa di e suseso mesora pero a señalá ku un lekashi di gas por tabata e posibilidat pa esaki. E eksploshon a rementá portanan i bentana di e establesimentu.
Sinkuenta i shete herido a wòrdu trasladá na un hospital serka, segun e servisio di emergensia, miéntras 33 persona a wòrdu trasladá pa klínikanan lokal.
E siudat lo kuminsá un investigashon, segun indikashon di alkalde di e lokalidat, Antonio Moreno Ferrer.
