SIUDAT DI MEXICO, AP.- México a firma un akuerdo ku e Komishonado pa derechi Humano di Nashon Uní, Michelle Bachelet, pa haña asistensia tékniko den e intento mas resien pa determiná loke a sosodé ku e 43 studiantenan pèrdí.
Bachelet a bisa ku e kas di e studiantenan di e skol na Ayotzinapa tabata “paradigmátiko”.
E eks presidente chileno a manifestá ku e gobièrnu di México ta obligá na determiná e kousa i efektuá kambionan grandi na su sistema di hustisia.
Polisnan lokal a detené e studiantenan na Igualá, den estado di Guerrero, na aña 2014 i a entrega nan na un organisashon di narkotrafikante.
E sekretario di Relashon Eksterior di México, Marcelo Ebrard, a bisa ku e kaso ta prioridat pa gobièrnu di presidente Andres Manuel Lopez Obrador, kende a krea un komishon pa bolbe investigá e kaso aki.