HONDURAS, AFP.- Outoridatnan di Honduras a arestá e kandidato presidensial Santos Rodriguez, un kapitan retirádi ehérsito, señalá pa labamentu di plaka di narkotráfiko i partisipá den homisidio entre nan di un informante di Agensia Antidroga di Merka. Su detenshon ta sosodé na ménos di un luna di elekshonnan presidensial ku kompetidornan faborito pero tambe mei mei di sospechonan di korupshon i narkotráfiko, inkluyendo e presidente aktual Juan Orlando Hernandez kende lo baha na 2022 despues di 8 aña na poder.
Rodriguez di e movementu independiente Dignidad i Speransa no ta entre esnan preferí pa elekshon di dia 28 di novèmber. Segun ministerio públiko e kandidato pa presidente ta detené pa labamentu di plaka. Ademas un testigu protehá a konta ku Rodriguez den su funshon komo kapitan di forsanan armá a realisá operativonan i ora e haña sèn òf droga e no tabata deklará tur esaki pero ta keda ku un parti di loke a keda konfiská i ku armanan tambe ku a haña. Tur e tabata hiba pa su grupo deliktivo Zipe.
