Si tin hende ta sinti falta di un famia tuma kontakto ku polis
ORANJESTAD.-Polis di Aruba ta informa di un kaso ku ta den investigashon na e momentunan aki. Awe nochi bispu di Pasku sentral di polis a haña notifiká ku lo tin un hende hòmber benta abou kantu di kaminda den e área di Matividiri.
E promé patruya ku a yega na e sitio a konfirmá ku tin un hòmber benta abou, pero ku e no ta duna señal di bida. A pidi presensia di ambulans tòg, pero ambulans ku a yega na e sitio no por a hasi nada mas ya ku e persona tabata morto kaba. Dr. Texier a konstatá morto 8;35 p. Punto ta ku e hòmber no tabatin niun klase di identifikashon serka dje. A pone tur e outoridatnan konserní na altura pa asina kuminsá ku e trámitenan nesesario i meskos e investigashon den e kaso aki.
Polis di Aruba ta pidi kualke hende ku por a mira algu pa nan tuma kontakto riba e tiplijn di polis 11141 i tambe si un hende ta sinti falta di un famia pa mèldu esaki na polis.
