TULSA, AP.- Fiskal a akusá di homisidio involuntario di promé grado e dama polis koló kla di Oklahoma, ménos di un siman despues ku el a mata e hòmber koló skur desarmá den kaya na Tulsa, argumentando den e dokumentonan presentá na korte ku e polis a aktua di forma irashonal.
Fiskal federal di e kondado di Tulsa. Steve Kunzweiler a presentá e akusashon kontra e polis Betty Shelby pa morto di Terence Crutcher di 40 Aña, ku a sosodé dia 16 di sèptèmber. Kunzweiler a bisa ku ta tumando lugá aktualmente e kombersashonnan pa Shelby entregá su mes na outoridatnan.
E imágennan tuma for diunhelikòpteriekámara instalá na e tablero di un patruya ta mustra Crutcher alegando di Shelby ku su mannan na laira. E imágennan no ta duna un bista kla di e momentu ku Shelby a lòs e úniko tiru ku a mata Crutcher. E abogado di e polis a bisa ku Crutcher no a obedesé òrdu di e polis i el a tira ora e hòmber a kuminsá bai direkshon di bentana di su trùk deportivo. Sinembargo e famia di Crutcher a rechasá esei señalando ku e tata di 4 yu no tabata niun menasa pa e polisnan.
Famianan di Crutcher a mustra un foto amplia di un imágen di polis mes ku ta, mustra e bentana di e outo di Crutcher sera. Polis a bisa tambe ku Crutcher no tabata karga arma.
