BOGOTA, COLOMBIA, AP.- Armada kolombiano a konfiská un supmarino ku kasi un tòn di kokaina loke a elevá na 300 tòn di droga konfiská den e aña aki te ainda. E komandante di armada kolombiano, Leonardo Santamaria, a bisa The Associated Pres den un diálogo ku a logra konfiská e lote despues di sinku luna di labor di inteligensia ku apoyo merikano.
“E supmarino tabata kla pa sali pa kosta di Pasífiko di Estádos Unídos”, ku 983 kilo di kokaina, asina un ofisial a bisa. El a señalá ku e nave tabata skondí den un riu ku salida pa laman ganchu den área di Nariño, sùit ost di e pais, i ku e kuater okupantenan a hui.
Kuater supmarino a keda deskubrí e aña aki na diferente parti di e pais, komandante di e armada a señalá.
Segun informenan di inteligensia e droga lo ta pertenesé na e klan di Usuga, e grupo prinsipal di narkotrafikantenan kolombiano. E minister di defensa, Luis Carlos Villegas a destaká ku e konfiskashon a yega un sifra históriko di 300 tòn di kokaina pa loke ta bayendo na aña 2016, kompará ku 219 tòn di aña pasá.
