NEW YORK, AP.- Marriott International a atkerí Starwood Hotels & Resorts Worldwide pa 13.000 mion dòler, kual a krea kadena di hotèl mas grandi na mundu. Esaki ta 5.700 propiedat i 1,1 mion i kamber den mas di 110 pais.
Esei ta nifiká ku e konsorsio nobo lo tin mas di kada 155 kamber di hotèl riba e planeta aki.
Ku e pakto, hotèlnan di Marriot manera Marriot, Courtyar i Ritz Carlton ta pertenesé na e mesun grupo ku esnan di Starwoord. Esaki ta inkluí Sheraton, Westin, W & St. Regis.
Un total di 30 nòmber di hotèl ta bou di mando di Marriott i desde awor ta forma parti di un kadena mas grandi na mundu.
Marriott ta mas grandi ku Hilton Worldwide aktualmente, ku tin 773.000 kamber i asta esun mas grandi ku Intercontinental Hotels Group, ku ta konta ku 766.000, segun STR, un kompania eksperto den e industria di hotèl.
“Nos tin e kapasidat di ofresé mas opshon. Mas opshon pa loke ta lokalidat, pa loke ta tipo di hotèl deseá, i tur esaki na loke e montante di sèn ku e kliente ta dispuesto na ofresé”.
Asina presidente ehekutivo di Marriott, Arne Sorenson a bisa den un entrevista ku The Associated Press.
Desde djabièrnè, partisipantenan di programanan di Starwood i Marriott por kombiná su miembresia.
