SIUDAD DE MEXICO, AP.- Outoridatnan di Jalisco, un estado na oksidente di México, a haña un persona morto i seis otro ku a sobrebibí pero ku mannan mutilá, asina a keda informá. Prokurador estatal Edurado Almaguer a bisa ku e víktimanan a keda deskubrí djaluna anochi pafó di un salon di evento na Tlaquepaque, pueblo bisiña di Guadalajara. Tambe el a bisa ku e víktimanan, seis hòmber i un muhé, tin edat di entre 25 i 44 aña. E investigadornan ta pensa ku e mutilashonnan i e asesinato ta represaya pa un debe di droga di e mesun grupo kriminal. Almaguer a bisa djamars ku ta trata di un ahuste di kuenta den nan mes.
Tin dos persona detené i e víktimanan a keda transportá pa hospital.
