BERLIN, AP.- Míles di persona a protestá den vários siudat na Alemania kontra plan di un akuerdo komersial di Union Europeo ku Merka i Canada.
Oponentenan ta bisa ku e Asosiashon Transatlántiko pa Komersio i e Invershon ( ATCI), ku ta negoshá entre Washington i Union Europeo, lo debilitá e stándarnan ambiental i derechi di konsumidó den Europa.
Manifestantenan a kongregá djasabra den Berlin, Hamburg, Cologne i Leipzig i Frankfurt i kisas a wòrdu influensia pa e minister di ekonomia di Alemania, kende a deklará ku e negosiashonnan di ATCI a “frakasá, ounke niun hende no ta atmití esaki”. Su komentario a wòrdu rechasá rápidamente pa funshonarionan na Washington i Bruselas.
E negosiashonnan pa un akuerdo similar a progresá mas, ounke Fransia, Alemania i Oustria a ekspresá preokupashonnan persistente.
E partidarionan ta bisa ku e akuerdonan aki lo stimulá ekonomia mundial.
