QUITO, ECUADOR, AP.- E empresa di telefòn selular Conecel, tin 15 dia pa paga 82,77 mion dòler di but pa no eliminá e rekisito di eksklusividat di su kontrakt pa uso di tereno òf toren kaminda su antenanan ta.
E representante di superintindensia di Kòntròl di Poder di Mercado, Marcelo Ortega, a bisa den un rueda di prensa ku outoridatnan a pidi esaki pa eliminá e rekisito ei sufisiente di antemano pero no a haña un kontesta.
Den òktober último, e empresa estatal Korporashon Nashonal di Telekomunikashon a denunsiá Conecel, pa supuesto abusu di poder di merkado.
Conecel a indiká ku lo apelá e desishon debí ku e “magnitut di e sanshon no ta hustifiká i ta violá e prinsipio konstitushonal di proporshonalidat di sanshon”.
Ecuador ta un pais ku tin 16 mion habitante, tin 14 mion liña aktivo di telefòn selular, di kual 69,97% ta korespondé na Claro. Claro ta e nòmber ku Conecel ta funshoná kuné na Ecuador.
