SANTIAGO DE CHILE, AP.- Kasi un sentenar di Chileno i nan famia a regresá Chile, repatriá for di Venezuela, lagando un krísis humanitario grave atras.
Presidente Sebastian Pinera, kende a akudí pa risibí esnan repatriá, a risibí nan den avion. Despues di esaki el a para warda na pia di e avion su trapi i a saludá nan segun nan tabata baha.
E grupo ta inkluí 88 chileno repatriá i 11 famia venezolano, inkluyendo beibi i ansianonan. Mayoria a bisa entre 30 i 50 aña for di Chile. Vários a bandoná Chile despues di un golpe militar kruel riba 11 di sèptèmber 1973.
Vários di esnan ku a yega a laga nan yu òf nietunan den vários siudat kaminda nan tabata biba. “Nos ta bai hasi tur kos posibel pa nan tambe bolbe i pa e famia por reuní atrobe”, na Chile, segun e mandatario a bisa.
E kansier chileno Roberto Ampuerto a splika ku e personanan kua regresá a kumpli ku e rekisito di “ta den estado di vulnerabilidat” i kier a bolbe. El a agregá ku di e 99 personanan, 11 ta yu di chilenonan ku a nase na Venezuela.
Kalkulashonnan ofisial publiká djamars pa kansieria lokal a presisá ku 23.355 chileno ta biba na Venezuela i ta e di ocho komunidat chileno na mundu. Segun kalkulashon, tres mion venezolano a bandoná nan nashon debí na e krísis.
Ampuero a splika ku e personanan repatriá ta faboresé un programa di 2015 ku ta sostené e chilenonan ku ta biba den mal kondishon den eksterior. E no a deskartá un segundo buelo pa trese mas lokal pa Chile.
E personanan repatriá a regresá riba e mesun avion ku a sali di Santiago ku un grupo di 179 haitiano ku a regresá nan pais boluntariamente despues ku nan no a haña trabou òf esnan ku no a integrá den Chile. Un promé grupo di haitiano a sali pa Haiti riba 7 di novèmber.
