WASHINGTON, AP.- E ekipo di kampaña di Hillary Clinton a kuminsá hasi esfuersonan nobo pa gana imigrantenan hóben ku falta pèrmit pa biba na Merka.
E kandidato presidensial demókrata ta buska saka fabor di e anunsio di su rival republikano Donald Trump di deportá nan.
E programa nashonal di registro di elektornan di Clinton a keda poné na ehekushon na momentu di e di 4 aniversario di e órden ehekutivo ku presidente Barack Obama a sak’é pa protehá temporalmente algun di imigrantenan hóben ku a keda tres’é e pais sin pèrmit ora nan tabata mucha.
E organisadónan ta kòrda e elektornan ku un gobièrnu ku Trump komo presidente lo pone fin na e programa ei, segun e ekipo di kampaña.
E programa tambe ta kore rísiko debí na e desishon di korte supremo emití na yüni di fris e órden ehekutivo. E 730 mil hóbennan konosí komo Dreamers tin prohibishon di bai urna pero nan a kontribuí na mobilisá hopi latino ku derechi di voto.
E programa ta forma parti di e esfuersonan di Clinton pa subi su number di 27,3 mion di latino ku por bai vota den elekshon 2016.
