BOGOTA, COLOMBIA, AP.- Polis Nashonal di Colombia a informá djadumingu ku a konfiská 136 kilo di kokaina ku tabata keda transportá den un trùk petrolero ekipá ku un sistema sofistiká ku tabata permití pa skonde e droga den e depósito di krudo.
E konfiskashon a tuma lugá den un zona rural entre departamento di Casanare, serka di e frontera ku Venezuela, na ekstremo ost di e pais, i sentral di departamento di Meta, segun afirmashon di Polis Nashonal den un komunikado.
Durante un kòntròl riba kaminda, agentenan antinarkótiko di Polis Nashonal a detektá “algun inkonsistensia” den e dokumentashon ku tabata respaldá e transporte. Despues di e revisá esaki, a detektá un “bashí, den un área aisla” di e karga di hidrokarburo.
Ku yudansa di mashin di bora, polisnan a perforá e metalnan den un “kompartimentu straño” i asina a lokalisá 136 kilo di droga. Esaki por a wòrdu deskubrí solamente ku un aktivashon di un sistema di aire sofistiká i preshon pa habri e porta. Esaki tabata imposibel pa identifiká solamente ku wowo”.
Segun polis, e droga ta pertenesé na un organisashon narkotrafikante konosí komo “Los Puntilleros”, ku ta funshoná den parti oriental di e pais.
