DELEGASHON EUROPEO TA BIAHA PA PROYEKTO AGRIKOLA
BOGOTA, COLOMBIA, AP.- Un delegashon di Union Europeo a biaha djaluna pa e departamento di Cauca pa sigui un proyekto agríkola denominá “Kosecha di pas” di apoyo pa post-konflikto armá kolombiano.
Rachel Brazier, enkargá di negoshinan di UE na Colombia, a señalá ku danki na akuerdonan alkansá na Havana, entre gobièrnu i Forsa Armá revolushonario di Colombia, FARC, tin perspektivanan nobo pa kampo den e pais.
Un komunikado di UE a señalá ku ta trata di un bishita di tres dia riba tereno i ta kalifiká proyektonan manera ” invershon sostenibel pa pas”.
E mishon europeo lo bishitá finkanan den munisipio di Villarrica, Caloto i Gauchene kaminda a implementá e inisiativa.
UE, atraves di Parlamento Europeo, a otorgá 1,5 mion euro na e inisiativa di “Kosecha di Pas” kual Vellenpaz ta ehekutá den e pais.
E proyekto aki ta funshoná desde aña pasá i tin ophetivo pa reaktivá ekonomia riba un eskala chikitu di produktonan manera kòfi i cacao, entre otro.
FARC i gobièrnu a anunsiá ku ta firma un akuerdo di pas pa 26 di sèptèmber na Cartagena pa pone fin na un konflikto armá di mas di 50 aña.
