WASHINGTON, AP.- Un asesor di Kas Blanku a sigurá djadumingu ku e separashon for di muchanan di nan mayornan na frontera no ta falta di presidente Donald Trump.
“Niun hende no gusta” separashon di famianan, asina Kellyanne Conway a bisa den e programa “Meet the Press” di NBC.
Kasi 2.000 a wòrdu separá for di nan mayornan den un periodo di seis siman den aprel i mei, debí na e polítika di sekretario di Hustisia Jeff Sessions “sero toleransia” kontra inmigrashon ilegal.
Conway a ninga ku Trump ta purbando di usa e tema pa obligá demókratanan pa aseptá su kondishonnan pa loke ta inmigrashon i e konstrukshon di muraya na frontera.
Pero el a indiká “si e denunsianan ta serio, nan lo bolbe reuní i korigí e fayonan i nos lo haña un berdadero reforma migratorio”.
