LA HABANA, AP.- Cuba a habri un tienda ku ta permití pa kumpra produktonan na gran kantidat, aliviando e preshon riba komersionan minorista ku ta surti e poblashon en general, ounke ainda e isla no tin un merkado mayorista pa e empresarionan.
Instalá den un bario residensial di Miramar, na wèst di e siudat, por opservá blekinan enorme di tomati, konserva di maishi, kòfi, papel sanitario, zeta etc. den e tienda yamá “Zona +”.
E panorama por ta usual den mayoria siudat latinoamerikano ò f merikano ta algu straño den Cuba. Kaminda no tin un merkado mayorista i empresanan estatal chikitu ta duna servisio na e pueblo ku tin un òf dos marka di e produktonan.
‘E lugá ta bunita, e atenshon ta bon, pero e preis ta meskos ku e minoristanan. Esaki no ta resolvé nos problema”, asina Naidi Carrazanaa indiká na AP. E ta propietario di un kafeteria chikitu.
E míles di empresarionan ku a habri kafetaria i restorantnan den último aña aki ta obligá pa akudí e mesun merkadonan chikitu ku e pueblo en general.
Zona + a habri siman pasá i ta permití empresarionan pa atkerí un kantidat ilimitá di produkto.
