LA HABANA, AP. – Presidente kubano Raul Castro a rekonosé djabièrnè ku e krísis na Venezuela, su sosio komersial prinsipal, ta gòlpiando e ekonomia di e isla i a provoká kaida di e Produkto Interno Bruto.
Segun e portal Cubadebate, Castro a splika diputadonan den Asamblea di Poder popular, Parlamento unilateral, ku e promé semèster Cuba a krese ku solamente 1% i ta mitar di loke a premirá.
Ounke e gobernante a menshoná e krísis aki den desèmber si forma general riba su impakto, nunka e no a referí na esaki di manera eksplísito, rekonosiendo un disminushon den e volúmen di benta di krudo.
Paralelamente, Cuba ta sinti e preshon di sanshon di parti di Merka, mayoria di kual ainda ta na vigor apesar ku a reanudá e relashon diplomátiko entre e dos paisnan na aña 2014.
No a permití akseso di prensa estranhero den seshonnan di Parlamento.
Anteriormente
Cubadebate a menshoná kue visepresidente enkargá ku asuntunan ekonómiko Marino Murillo a bisa na parlamentarionan ku e ekonomia a krese ku solamente 1% den e promé semèster, loke ta laga e pais ku korto di sèn.
