WILLEMSTAD – Polisnan un bes mas tabatin man yen den oranan di mardugá. E biaha aki den Kaya Saksofon na Ost Sta. Rosa. Den e kaya aki tabata esenario di konfrontashon entre polis i ladronnan. Alrededor di 4or di mardugá polis a haña notifikashon di un kaso di ladronisia di un pikòp Kia. Na yegada di polis a bin topa tres tipo ladron den e pikòp tratando di kibra esaki pa bai kuné. A los tiru di atvertensia riba e tipo nan. Mesora nan a baha na katuna na pia i drenta mondi. Den nan huida nan a bai laga telefòn atras. Un otro sospechoso ku tabata aktua komo shofùr di un outo pa huida a spanta ora el a tende tiru di polisnan. E shofùr a purba kore bai pero den su intento di huida el a dal e outo ku tabata un Kia Picanto kora den muraya di un kas i djei hink’e den mondi. E tambe a baha bai i kore drenta mondi na pia. Polis no a logra di hasi ningun detenshon pero hopi prueba e keda atras pues lo no dura muchu ku promé detenshon lo kai den e kaso aki.
