SAO PAULO, AP.- E eks mandatario brasilero Luiz Inacio Lula da Silva a afirmá djaweps ku e fiskalnan ku a deskribié komo e “komandante” di un ret enorme di soborno simplemente a evitá pa e postulá pa presidensia na aña 2018.
Durante un konferensha di prensa ku el a ofresé den un hotèl na Sao paulo, Lula a yora i bisa ku e akusashonnan ta sin base.
Fiskalnan federal a akusá e eks mandatario djarason di ta e komandante di un operashon enorme di soborno den Petrobras. Sin embargo, e denunsianan tabata muchu mas limitá. Lula, su kasa i sinku otro pèrsona mas a wòrdu akusá di labamentu di plaka i korupshon.
